अहिल्यानगर-पोलीस अधिकारी असल्याचे भासवून एका व्यावसायिकाला खोट्या गुन्ह्याची भीती दाखवत 5 लाख रुपयांची खंडणी मागणार्या अज्ञात भामट्यांविरुद्ध अहिल्यानगर सायबर पोलीस ठाण्यात गुन्हा दाखल करण्यात आला आहे. या प्रकरणी विनीत नानासाहेब जाधव (वय 38, रा. सावेडी, अहिल्यानगर) यांनी फिर्याद दिली आहे.
फिर्यादी विनीत जाधव यांना 29 जुलै 2025 ते 30 जानेवारी 2026 या सहा महिन्यांच्या कालावधीत दोन वेगवेगळ्या मोबाईल क्रमांकावरून वारंवार फोन येत होते. समोरून बोलणार्या व्यक्तीने आपण पोलीस अधिकारी असल्याचे भासवले आणि जाधव यांच्यावर गुन्हा दाखल करण्याची धमकी दिली. हा खोटा गुन्हा टाळण्यासाठी संशयित आरोपींनी त्यांच्याकडे 5 लाख रुपयांच्या खंडणीची मागणी केली.सततच्या धमक्यांमुळे घाबरलेल्या जाधव यांनी अखेर सायबर पोलिसांकडे धाव घेत फिर्याद दिली. या फिर्यादीवरून पोलिसांनी दोन मोबाईल क्रमांकधारक अनोळखी व्यक्तींसह त्यांच्या इतर अज्ञात साथीदारांविरुद्ध भारतीय न्याय संहिता आणि माहिती तंत्रज्ञान कायद्यानुसार गुन्हा नोंदवला आहे. सायबर पोलीस ठाण्याचे पोलीस निरीक्षक सागर ढिकले अधिक तपास करीत आहेत.
राहाता बाजार समितीतील सोयाबीनचा वाचा भाव
राहाता बाजार समितीत शनिवारी सोयाबीनला जास्तीत जास्त 5500 रुपये प्रति क्विंटल भाव मिळाला. सोयाबीनच्या 4 क्विंटल आवक झाली. सोयाबीनला किमान 5400 रुपये, जास्तीत जास्त 5500 रुपये, तर सरासरी 5450 रुपये प्रतिक्विंटलला भाव मिळाला.
मकाची 2 क्विंटल आवक झाली. मकाला सरासरी 1600 रुपये भाव प्रतिक्विंटला मिळाला. हरभरा 1 क्विंटल आवक झाली. हरभार्याला (Gram) 5000 रुपये प्रति क्विंटलला भाव मिळाला, अशी माहिती बाजार समितीचे सभापती ज्ञानेश्वर गोंदकर व सचिव सुभाष मोटे यांनी दिली.
