नगर : नगर अर्बन मल्टीस्टेट को.ऑप. बँकेतील घोटाळ्याप्रकरणी नगरच्या कोतवाली पोलिस ठाण्यात दाखल गुन्ह्याप्रकरणी बँकेच्या 5 तत्कालिन संचालकांना सर्वोच्च न्यायालयाने नियमित जामीन मंजूर केला आहे. यात शैलेश मुनोत, दिनेश कटारिया, राजेंद्र अग्रवाल, नवनीत सुरपुरिया, कमलेश गांधी यांचा समावेश आहे. सर्वोच्च न्यायालयाच्या निकालामुळे संबंधितांना मोठा दिलासा मिळाला आहे. याकामी ॲड. श्रेयस उदय ललित, ॲड. हिमांशु वत्स, ॲड. सुधांशु चौधरी व त्यांच्या सहकाऱ्यांनी बाजू माडली व युक्तीवाद केला. सदर युक्तीवाद ग्राह्य धरून सर्वोच्च न्यालयाच्या न्यायमूर्ती बी. व्ही. नागरत्ना मॅडम यांनी नियमित जामीन मंजूर केला.
नगर अर्बन बँकेतील कोट्यवधी रुपयांच्या घोटाळ्याप्रकरणी पोलिसांत बँकेच्या तत्कालिन संचालकांसह काही अधिकारी, कर्जदारांवर गुन्हे दाखल झालेले आहे. आर्थिक गुन्हे शाखेमार्फत या गुन्ह्याचा तपास सुरू आहे. या प्रकरणात काही आरोपी न्यायालयीन कोठडीत असून काही आरोपींना अटकपूर्व जामीन मिळालेला आहे. आरोपींपैकी शैलेश मुनोत, दिनेश कटारिया, राजेंद्र अग्रवाल, नवनीत सुरपुरिया, कमलेश गांधी यांचा समावेश यांनी नियमित जामीनासाठी सर्वोच्च न्यायालयात धाव घेतली होती. त्यांच्या याचिकेवर सुनावणी झाली. यात आरोपींच्या वकिलांनी जोरदार युक्तीवाद करीत नियमित जामीनाची मागणी केली. हा युक्तीवाद ग्राह्य धरत सर्वोच्च न्यायालयाने सर्व 5 जणांना नियमित जामीन मंजूर केला
