राज्यातील जिल्हा परिषद आणि पंचायत समितीच्या निवडणुकीचे मतदान होत आहे. आमदार रोहित पवार यांनी पिंपळी गावात मतदानाचा हक्क बजावला आहे. यावेळी त्यांनी माध्यमासोबत संवाद साधताना मोठे भाष्य केले.
रोहित पवार यांनी म्हटले की, दादांचे जे स्वप्न होते या जिल्हा परिषद आणि पंचायत समितीच्या निवडणुकीमध्ये दादांचे जे कार्यकर्ते आहेत ते जास्तीत जास्त निवडून यावेत, ही त्यावेळीची त्यांची इच्छा आणि स्वप्न आज आपल्याला म्हणावे लागेल की, ते त्यांचे अंतिम स्वप्न होतं. आज मी माझ्या परिवारासोबत येऊन मी माझा मतदानाचा हक्क बजावला आहे. मला विश्वास आहे की, दादांचे जे स्वप्न होते की, जिल्हा परिषदेला त्यांचे कार्यकर्ते जास्त निवडून येतील ते स्वप्न मतदार आणि कार्येकर्ते पूर्ण करतील.
अजित पवारांची जी इच्छा होती, परिवार म्हणून सर्वजण एकत्र यायला हवे आणि त्याकरिता दादांकडूनही प्रयत्न केला जात होता. सुप्रिया ताई असतील किंवा पवार साहेब आम्ही सर्वजण काहीसा असाच प्रयत्न करत होतो. पवार म्हणून आम्ही एकत्रित आहोत आणि अजित दादांचे जे स्वप्न आहे पवार कुटुंब एकत्र राहिले पाहिजे तसेच काहीतरी होईल. आज कोणीही न ठरवून सर्वजण एकत्र आले.
शरद पवार, पार्थ पवार आणि रोहित यांचा एक व्हिडीओ व्हायरल होत आहे, त्या व्हिडीओवर बोलताना रोहित पवार यांनी म्हटले की, आमच्यामध्ये भावनिक चर्चा झाली. काही गोष्टी येत्या काळात आपल्याला कराव्या लागणार आहेत. राजकीय नाही..
