भारतीय क्रिकेट संघाचा दिग्गज क्रिकेटपटू विराट कोहली याने इन्स्टाग्राम अकाऊंट गुरुवार-शुक्रवार रात्री उशिरा अचानक गायब झाले. इंस्टाग्रामवर विराट कोहलीचे नाव शोधताना त्याचे प्रोफाइल किंवा कोणतीही पोस्ट दिसत नाहीय. विराट कोहलीच्या इन्स्टाग्राम अकाऊंटबाबत अद्याप कोणतीही अधिकृत प्रतिक्रिया समोर आलेली नाही. मात्र विराट कोहलीने अचानक इन्स्टाग्रामवरून एक्झिट घेतल्यामुळे चाहते हैराण झाले आहेत.विराट कोहलीचा भाऊ विकास कोहलीचे इंस्टाग्राम अकाऊंट देखील गायब झाल्याचा दावा करण्यात येत आहे. विराट कोहलीने स्वतः त्याचे इंस्टाग्राम अकाऊंट डिलीट केले किंवा डिअॅक्टिव्हेट केले? की ते तांत्रिक समस्येमुळे किंवा अपघाती डिअॅक्टिव्हेट झाल्यामुळे झाले?, अशी विविध प्रश्न उपस्थित होत आहेतविराट कोहली हा जगातील सर्वात जास्त फॉलोअर्स असलेला क्रिकेटपटू आहे. विराट कोहलीचे इन्स्टाग्रामवर 274 दशलक्षाहून अधिक फॉलोअर्स आहेत. दरम्यान, विराट कोहलीचे अकाऊंट अचानक गायब झाल्याने विविध प्रश्न उपस्थित होत आहेत. चाहते ट्विटर (पूर्वीचे ट्विटर) आणि इंस्टाग्रामवर स्क्रीनशॉट शेअर करत आहेत. त्यामुळे विविध चर्चांना उधाण आले आहे.
https://x.com/SANDEEPMH07/status/2016964001897599446/photo/1
भारतीय क्रिकेट संघाचा दिग्गज क्रिकेटपटू विराट कोहलीने त्याच्या आंतरराष्ट्रीय कारकिर्दीत एकूण 85 शतके केली आहेत. कोहलीने 123 कसोटी सामन्यांमध्ये 210 डावांमध्ये एकूण 9230 धावा केल्या आहेत, ज्यात 30 शतकांचा समावेश आहे. त्याची सरासरी 46.85 आहे. विराट कोहलीचे कसोटी क्रिकेटमधील सर्वोच्च धावसंख्या 254 नाबाद आहे. एकदिवसीय सामन्यांमध्ये विराट कोहलीची कामगिरी आणखी प्रभावी राहिली आहे. त्याने 311 सामन्यांमध्ये 14797 धावा केल्या आहेत, ज्यामध्ये 54 शतकांचा समावेश आहे. 58.71 च्या सरासरीने आणि 93 पेक्षा जास्त स्ट्राईक रेटसह, विराट कोहली मर्यादित षटकांच्या क्रिकेटमध्ये सर्वात विश्वासार्ह फलंदाजांपैकी एक मानला जातो. विराट कोहलीने टी-20 क्रिकेटमध्ये 4188 धावा आणि एक शतक देखील केले आहे. विराट कोहलीने कसोटी आणि टी-20 आंतरराष्ट्रीय क्रिकेटमधून निवृत्ती घेतली आहे आणि सध्या तो फक्त एकदिवसीय क्रिकेटमध्ये खेळतो.
