अहिल्यानगर जिल्ह्यात वाळु माफियाविरुध्द स्थानिक गुन्हे शाखेची कारवाई

जामखेड येथे वाळु माफियाविरुध्द स्थानिक गुन्हे शाखेची कारवाई 02 आरोपींकडुन 5,30,000/- रुपये किमतीचा मुद्देमाल हस्तगत.

प्रस्तुत बातमीची हकीगत अशी की, मा. श्री सोमनाथ घार्गे साहेब, पोलीस अधीक्षक अहिल्यानगर यांनी स्थानिक गुन्हे शाखेस अहिल्यानगर जिल्ह्यामध्ये अवैधरित्या गौणखनिजांचे उत्खनन करुन वाहतुक करणारे इसमांची माहिती काढुन कारवाई करणेबाबत आदेश दिलेले आहे.
सदर आदेशानुसार स्थानिक गुन्हे शाखेचे पोलीस निरीक्षक श्री किरणकुमार कबाडी यांचे मार्गदर्शनाखाली स्थानिक गुन्हे शाखेतील पोलीस अंमलदार ऱ्हदन घोडके, लक्ष्मण खोकले, शामसुंदर जाधव यांचे पथक तयार करुन सदर पथकास अवैधरित्या गौणखनिजांचे उत्खनन करुन वाहतुक करणारे इसमांची माहिती काढुन कारवाईकरणेबाबत सुचना व मार्गदर्शन करुन पथक रवाना केले.
वरील पथक दिनांक 04/11/2025 रोजी जामखेड पोलीस ठाणे हद्दीमध्ये अवैधरित्या गौणखनिजांचे उत्खनन करुन वाहतुक करणारे इसमांची माहिती काढत असतांना पथकास आरणगांव ते हाळगांव रोडने ट्रक क्रमांक एम.एच. 12 एफ.सी. 8769 ही मध्ये गौणखनिज वाळु भरुन फक्राबाद मार्गे हाळगांवकडे जाणार असल्याची माहिती मिळाली. पथकाने तात्काळ फक्राबाद गांवचे शिवारामध्ये जावुन सापळा रचुन थांबले असता बातमीतील वाहन येतांना दिसले. त्यावेळी पथकाची खात्री झाल्याने पथकाने नमुद ट्रक थांबवुन खात्री केली असता ट्रकचे पाठीमागील हौदामध्ये वाळु भरलेली असल्याचे दिसुन आले. पथकाने ट्रक चालकास त्याचे नांव गांव विचारता ट्रक चालकाने त्याचे नांव 1) रविंद्र बाळासाहेब पवार वय 32 वर्षे, रा. आरणगांव, ता. जामखेड, जि. अहिल्यानगर असे असल्याचे सांगितले. सदर चालकास वाळु बाबत अधिक विचारपुस करता त्याने सदरची वाळु ही ट्रक मालक 2) शहाजी अशोक जेवे रा. खडकत ता. आष्टी, जि. बीड याचे सांगणेवरुन वाहतुक करत असल्याचे सांगितले आहे.
ताब्यातील इसमाचे कब्जातुन 30,000/- रुपये किमतीची 03 ब्रास वाळु व 5,00,000/- रुपये किमतीची ट्रक असा एकुण 5,30,000/- रुपये किमतीचा मुद्देमाल जप्त करुन पोना/1566 शामसुंदर अंकुश जाधव नेम – स्थानिक गुन्हे शाखा, अहिल्यानगर यांचे फिर्यादीवरुन जामखेड पोलीस ठाणे गु.र.नं. 599/2025 भारतीय न्याय संहिता 2023 चे कलम 303 (2) प्रमाणे गुन्हा दाखल करण्यात आला आहे.
सदरची कारवाई मा. श्री. सोमनाथ घार्गे पोलीस अधीक्षक, अहिल्यानगर यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.