महाराष्ट्रातील तरुणाईला आपल्या अनोख्या अदा, ठसकेबाज सादरीकरण आणि हटके डान्स स्टेप्सने भुरळ घालणारी गौतमी पाटील पुन्हा एकदा चर्चेच्या केंद्रस्थानी आली आहे. सोशल मीडियावर तिचा एक नवीन डान्स व्हिडीओ सध्या प्रचंड वेगाने व्हायरल होत असून, चाहत्यांकडून त्यावर कमेंट्स आणि लाईक्सचा अक्षरशः वर्षाव होत आहे.
गौतमी पाटीलने अलीकडेच ‘बाप तो बाप रहेगा’ या गाण्यावर जोरदार ठेका धरला. या गाण्यावर सादर केलेल्या तिच्या खास स्टेप्स आणि आत्मविश्वासपूर्ण हावभावांमुळे हा व्हिडीओ काही तासांतच सोशल मीडियावर ट्रेंडिंगमध्ये पोहोचला. तिच्या परफॉर्मन्समधील ऊर्जा, चेहऱ्यावरील एक्सप्रेशन्स आणि स्टेजवरील कमालीची पकड यामुळे प्रेक्षक भारावून गेले आहेत.व्हिडीओ व्हायरल होताच चाहत्यांनी तिच्या पोस्टवर कमेंट्सचा अक्षरशः पाऊस पाडला आहे. एका चाहत्याने लिहिले, ‘शून्यातून वर आलेली कंपनी, हीच बघून सगळ्या शिकल्या आहेत. पहिली पसंती गौतमी पाटील!’ अशा प्रकारच्या अनेक प्रतिक्रिया सोशल मीडियावर पाहायला मिळत आहेत. आतापर्यंत या व्हिडीओला लाखो व्ह्यूज मिळाले असून हजारो लोकांनी तो शेअरही केला आहे.गौतमी पाटील गेल्या काही महिन्यांपासून तिच्या निवडक गाण्यांवरील सादरीकरणामुळे सतत चर्चेत आहे. तिच्या प्रत्येक कार्यक्रमाला तरुणांची मोठी गर्दी पाहायला मिळते. इंस्टाग्राम, फेसबुक आणि यूट्यूबसारख्या प्लॅटफॉर्मवर तिचा मोठा चाहता वर्ग तयार झाला आहे. तिच्या प्रत्येक नव्या व्हिडीओची चाहत्यांना उत्सुकता असते.
https://x.com/soneshwar_patil/status/2023306562807476556?ref_src=twsrc%5Etfw%7Ctwcamp%5Etweetembed%7Ctwterm%5E2023306562807476556%7Ctwgr%5E6e70e38a9a5be5d122d60992026ec0afec4feb71%7Ctwcon%5Es1_&ref_url=https%3A%2F%2Fwww.tv9marathi.com%2Ftrending%2Famazing-dance-on-gautami-patil-song-baap-to-baap-rahega-video-viral-1607092.html
गौतमी पाटील ही केवळ डान्समुळेच नाही तर तिच्या सौंदर्याने देखील चर्चेत राहिली आहे. प्रत्येक वेळी तिने आपल्या कामावर लक्ष केंद्रित करत लोकप्रियतेचा आलेख वाढवत ठेवला आहे. तिच्या ठसकेबाज आणि आत्मविश्वासपूर्ण सादरीकरणामुळे ती ग्रामीण तसेच शहरी भागातही प्रसिद्ध झाली आहे.
