नगर:भिंगारजवळील आलमगीर परिसरातील ब्रम्हनगर येथे जुन्या वादाच्या कारणावरून एका व्यक्तीवर कुऱ्हाडीने हल्ला केला केला. ही घटना 1 एप्रिल रोजी घडली. याप्रकरणी भिंगार कॅम्प पोलिस ठाण्यात दोन जणांविरुद्ध गुन्हा दाखल करण्यात आला आहे.
याबाबत अशोक बन्सी गायकवाड (रा. देवकृपा कॉलनी, आलमीगर) यांनी पोलिसांत फिर्याद दिली. बुधवारी रात्रीच्या सुमारास आरोपी राजू कुऱ्हाडे आणि मयूर राजू कुऱ्हाडे हे संगनमत करून गायकवाड यांच्या घरासमोर आले. तुमच्यामुळे माझ्या मुलीला त्रास होतो, असा आरोप करत आरोपींनी वाद उकरून काढला. वादाचे रूपांतर शिवीगाळ आणि मारहाणीत झाले.
यावेळी आरोपीने हातातील कुऱ्हाडीच्या तुंब्याने अशोक गायकवाड यांच्या पाठीवर मारहाण प्रहार केला. पतीला वाचवण्यासाठी त्यांची पत्नीमध्ये आली असता, आरोपींनी त्यांनाही लाथाबुक्क्यांनी अमानुष मारहाण करीत जीवे मारण्याची धमकी दिली, असे फिर्यादीत म्हटले आहे. सहाय्यक पोलिस निरीक्षक जगदीश मुलगीर यांच्या मार्गदर्शनाखाली पोलिस अंमलदार डी. पी. मोरे गुन्ह्याचा तपास करीत आहेत.
