एकनाथराव ढाकणे यांच्या वाढदिवसानिमित्त 1 जूनला राक्षीमध्ये ‘मेगा ओपन कॅम्पस ड्राइव्ह’: सर्वांसाठी खुला रोजगार मेळावा
शेवगाव, 28 मे 2026: केदारेश्वर ग्रामीण विकास प्रतिष्ठान, संगमनेर संचलित ढाकणे शैक्षणिक संकुल, राक्षी यांच्या वतीने संस्थापक अध्यक्ष मा. एकनाथराव ढाकणे साहेब यांच्या वाढदिवसानिमित्त “मेगा ओपन कॅम्पस ड्राइव्ह 2026” चे आयोजन करण्यात आले आहे. हा रोजगार मेळावा सर्व पात्र उमेदवारांसाठी खुला असून कोणत्याही महाविद्यालयातील विद्यार्थी व माजी विद्यार्थी सहभागी होऊ शकतात.
1 जूनला थेट मुलाखती
हा मेगा रोजगार मेळावा सोमवार, दि. 01 जून 2026 रोजी सकाळी 10.00 वाजता समाजभूषण एकनाथराव ढाकणे कॉलेज ऑफ इंजिनिअरिंग, राक्षी येथे होणार आहे.
या कॅम्पस ड्राइव्हमध्ये अभियांत्रिकी, पॉलिटेक्निक, आयटीआय, एमबीए, एमसीए तसेच इतर पदवी व पदविका अभ्यासक्रम पूर्ण केलेले किंवा अंतिम वर्षात शिकणारे विद्यार्थी सहभागी होऊ शकतात. विविध नामांकित उद्योग, उत्पादन, सेवा व तंत्रज्ञान क्षेत्रातील कंपन्यांच्या प्रतिनिधींकडून थेट मुलाखती घेण्यात येणार असून पात्र उमेदवारांना रोजगाराच्या संधी उपलब्ध करून दिल्या जाणार आहेत.
मेळाव्याची वैशिष्ट्ये
– सर्व महाविद्यालये व संस्थांतील विद्यार्थ्यांसाठी खुला
– फ्रेशर्स व अनुभवी उमेदवारांना संधी
– नामांकित कंपन्यांचा सहभाग
– थेट मुलाखती व ऑन-द-स्पॉट निवड प्रक्रिया
– रोजगार व करिअर मार्गदर्शन
इच्छुक उमेदवारांनी अद्ययावत बायोडाटा, शैक्षणिक कागदपत्रांच्या प्रती, आधार कार्ड व पासपोर्ट आकाराचे फोटो सोबत आणावेत.
युवकांना रोजगाराच्या संधी उपलब्ध करून देण्यासाठी आयोजित करण्यात आलेल्या या भव्य उपक्रमाचा जास्तीत जास्त विद्यार्थ्यांनी व नोकरी इच्छुकांनी लाभ घ्यावा, असे आवाहन ढाकणे शैक्षणिक संकुलाच्या वतीने करण्यात आले आहे.
स्थळ: समाजभूषण एकनाथराव ढाकणे कॉलेज ऑफ इंजिनिअरिंग, राक्षी, ता. शेवगाव, जि. अहिल्यानगर
दिनांक व वेळ: सोमवार, 01 जून 2026, सकाळी 10.00 वाजता
Tspl group
Cromill engineering
Rsb