दिशा सालियान प्रकरणात मोठी अपडेट समोर आली आहे. सीबीआयने दिशाच्या वडिलांचा जबाब नोंदवला आहे. आता या प्रकरणात लवकरच गुन्हा दाखल होईल अशी माहिती वकिलांनी दिली आहे. या प्रकरणात जे -जे आरोपी आहेत, त्यांच्यावर गुन्हा दाखल करण्यासाठी ज्या -ज्या गोष्टी आहेत, त्या-त्या गोष्टी आम्ही सादर केल्या आहेत, असं या प्रकरणावर बोलताना वकिलांनी माहिती दिली आहे. दरम्यान आता वडिलांचा जबाब नोंदवल्यानंतर लवकरच या प्रकरणात गुन्हा दाखल होण्याची शक्यता आहे.दिशा सालियान हिचा 8 जून 2020 रोजी संशयास्पद रित्या मृत्यू झाला होता. मुंबईतील मालाड परिसरात असलेल्या एका इमारतीच्या 14 व्या मजल्यावरून पडून दिशा सालियानचा मृत्यू झाला. स्थानिक पोलिसांनी दिशा सालियानच्या मृत्यूची अपघाती मृत्यू अशी नोंद केली होती. दिशा सालियानच्या मृत्यूची अपघाती मृत्यू अशी नोंद करून स्थानिक पोलिसांनी तपासाला सुरुवात केली. त्यानंतर पोलिसांनी तपासाच्या शेवटी दिशा सालियानचा मृत्यू हा आत्महत्या असल्याचं जाहीर केलं. दिशा सालियानने आत्महत्या केल्याचं पोलिसांनी म्हटलं. त्यानंतर हे प्रकरण बंद करण्याची तयारी सुरू असतानाच दिशाच्या वडिलांनी पोलिसांचा हा निर्णय फेटाळून लावला. त्यांनी या प्रकरणात हाय कोर्टात धाव घेतली. आपल्या मुलीने आत्महत्या केली नसून, तिची हत्या झाल्याचा आरोप त्यांनी केला. दरम्यान आता या प्रकरणाचा तपास सध्या सीबीआय करत आहे. या प्रकरणात आता सीबीयाने दिशाच्या वडिलांचा जबाब नोंदवला आहे.
वकिलांनी दिलेल्या माहितीनुसार सीबीआयने दिशाच्या वडिलांचा जबाब नोंदवला आहे. आता लवकरच या प्रकरणात संबंधित आरोपींविरोधात गुन्हा दाखल होण्याची शक्यता आहे. या प्रकरणात जे -जे आरोपी आहेत, त्यांच्यावर गुन्हा दाखल करण्यासाठी ज्या -ज्या गोष्टी आहेत, त्या-त्या गोष्टी आम्ही सादर केल्या आहेत, असं या प्रकरणावर बोलताना वकिलांनी माहिती दिली आहे. दरम्यानच्या काळात या प्रकरणात सीबीआयच्या तपासातून अनेक गोष्टी देखील समोर आल्या आहेत.
