पेट्रोल आणि डिझेल खरेदीच्या मर्यादेवर केंद्र सरकारकडून नवीन नियमावली जारी करण्यात आली आहे. या नियमांनुसार एका दिवसात फक्त २०० लीटर पेट्रोल आणि डिझेल खरेदी करता येणार आहे. नवीन सरकारी आदेशानुसार, औद्योगिक, व्यावसायिक आणि संस्थात्मक वापरकर्त्यांना पेट्रोल पंपांवरून पेट्रोल आणि डिझेल खरेदी करण्यास तात्काळ मनाई करण्यात आली आहे. सरकारने पेट्रोल पंपांवरून डिझेल आणि पेट्रोल खरेदीवर हा निर्बंध घातले आहेत. सर्वसामान्य जनतेसाठी इंधनाचा तुटवडा निर्माण झाला आणि अत्यावश्यक सेवांमध्ये व्यत्यय आला. यावर उपाय म्हणून सरकारने पेट्रोल पंपांवरून पेट्रोल आणि डिझेलच्या घाऊक खरेदीवर बंदी घालण्याचा निर्णय घेतला आहे. पुढील ९० दिवसांसाठी हे निर्बंध लागू करण्यात आले आहेत. या कालावधीत, औद्योगिक, व्यावसायिक आणि संस्थात्मक यांसारख्या मोठ्या ग्राहकांना पेट्रोल पंपांवरून इंधन खरेदी करता येणार नाही. त्यांना इंधन फक्त मोठ्या विक्री केंद्रांवरूनच (बल्क सेल पॉइंट्स) खरेदी करावे लागेल.नवीन सरकारी आदेशानुसार, मोठ्या प्रमाणात आणि संशयास्पद खरेदीदारांना आळा घालण्यासाठी दैनंदिन तेल खरेदीची मर्यादा निश्चित करण्यात आली आहे. कोणताही ग्राहक किंवा वाहन एका दिवसात पेट्रोल पंपावरून जास्तीत जास्त २०० लिटर डिझेल खरेदी करू शकेल. एकावेळी यापेक्षा जास्त पेट्रोल-डिझेल दिले जाणार नाही.
आखाती देशातील संकटामुळे आंतरराष्ट्रीय बाजारात कच्च्या तेलाच्या किमती अचानक मोठ्या प्रमाणात वाढ झाली. त्याचा परिणाम भारतावरही मोठ्या प्रमाणात झाला आहे. सर्वसामान्य जनतेला या महागाईपासून वाचवण्यासाठी सरकारी तेल कंपन्यांनी सामान्य पेट्रोल पंपांवर (किरकोळ) दरात वाढ केली.
सरकारने लागू केलेल्या नवीन निर्बंधांनुसार औद्योगिक, व्यावसायिक आणि संस्थात्मक वापरकर्त्यांना आता पेट्रोल पंपांवरून पेट्रोल आणि डिझेल खरेदी करता येणार नाही. त्यांना हे इंधन थेट घाऊक विक्रेत्यांकडून जास्त दराने (बाजारभावाने) खरेदी करावे लागेल. पेट्रोल पंपावर डिझेल फक्त वाहनांच्या मुख्य इंधन टाकीतून किंवा पेट्रोलियम आणि स्फोटक सुरक्षा संघटनेने प्रमाणित केलेल्या विशेष कंटेनरमधूनच विकले जाऊ शकते. पेट्रोल पंपावरून खरेदी केलेले हे डिझेल अधिक नफा मिळवण्यासाठी पुन्हा विकता येणार नाही. असे करताना आढळलेल्या कोणावरही अत्यावश्यक वस्तू कायद्यांतर्गत कठोर कायदेशीर आणि दंडात्मक कारवाई केली जाईल.
