उपमुख्यमंत्री अजित पवारांचे पुत्र जय पवार अडकले विवाहबंधनात

राज्याचे उपमुख्यमंत्री अजित पवार यांचे चिरंजीव जय पवार यांचा विवाहसोहळा संपन्न झाला. काल जय पवार आणि ऋतुजा पाटील हे विवाहबंधनात अडकले. हा शाही विवाहसोहळा बहरिनमध्ये पार पडला. या लग्नसोहळ्यासाठी संपूर्ण पवार कुटुंब बहरिनला गेले होते. आता जय पवार आणि ऋतुजा पाटील यांच्या लग्नातील फोटो समोर आले आहे. जय पवार यांची आत्या म्हणजेच सुप्रिया सुळे यांनी सोशल मीडियावर फोटो शेअर केले आहेत.जय पवार यांच्या लग्नाला सुप्रिया सुळे, शरद पवार आणि प्रतिभा पवार उपस्थित नव्हते. सुप्रिया सुळेंनी या नवीन जोडप्याला शुभेच्छा दिल्या आहेत. सुप्रिया यांनी जय यांच्या वरातीचा फोटो शेअर केला आहे. ज्यामध्ये जय पवारांसोबत रेवती सुळे, युगेंद्र पवार, रोहित पवार दिसत आहेत. जय पवारांचा विवाहसोहळा बहरिनमध्ये पार पडला. बहरिनमध्ये तीन दिवस या विवाहसोहळ्यानिमित्त कार्यक्रम होते. ४, ५ आणि ६ डिसेंबर रोजी लग्नाचे कार्यक्रम आहेत.सुप्रिया सुळेंनी व्हिडिओ शेअर केला आहे. त्यात अजित पवार वरातीत डान्स करताना दिसत आहे. अजित पवारांसोबत रोहित पवार, युगेंद्र पवारदेखील दिसत आहेत. पवार कुटुंबियांनी या लग्नात ढोल-ताशांवर ठेका धरल्याचे दिसत आहे.जय पवारांच्या बायकोचं नाव ऋतुजा पवार आहे.ऋतुजा या फलटणच्या आहेत. सोशल मिडिया कंपनी सांभाळणारे प्रवीण पाटील यांची त्या कन्या आहेत. या लग्नसोहळ्याला संपूर्ण पवार आणि पाटील कुटुंब उपस्थित होते. या दोन्ही कुटुंबांनी फक्त ४०० लोकांनी लग्नासाठी बोलावले होते.