सामान्यांच्या खिशाला पुन्हा एकदा कात्री लागणार आहे. गेल्या काही काळापासून स्थिर असलेल्या इंधन दरांमध्ये आता वाढ करण्यात आली आहे. पेट्रोल आणि डिझेलच्या किमतीत प्रति लिटर ३ रुपयांची दरवाढ झाली आहे. आंतरराष्ट्रीय बाजारातील घडामोडींमुळे देशात इंधन दरवाढ झाली असून पेट्रोल आणि डिझेलच्या किमतीत प्रति लिटर ३ रुपयांची वाढ करण्यात आली आहे. मुंबईत पेट्रोलने १०६ रुपयांचा टप्पा ओलांडला असून, डिझेल महागल्याने आता मालवाहतूक आणि पर्यायाने जीवनावश्यक वस्तूंच्या किमती वाढण्याची दाट शक्यता निर्माण झाली आहे.
पेट्रोलच्या दरात झालेली वाढ वाहनधारकांसाठी चिंतेची बाब ठरत आहे. मुंबईत पेट्रोलने पुन्हा १०६ रुपयांचा टप्पा ओलांडला आहे.
मुंबई: १०६.६८ रुपये (३.१४ रुपयांची वाढ)
दिल्ली: ९७.७७ रुपये (३.०० रुपयांची वाढ)
कोलकाता: १०८.७४ रुपये (३.२९ रुपयांची वाढ)
चेन्नई: १०३.६७ रुपये (२.८३ रुपयांची वाढ)
डिझेलच्या दरात वाढ झाल्यामुळे केवळ खासगी वाहनचालकच नव्हे, तर मालवाहतूक क्षेत्रावरही याचा मोठा परिणाम होणार आहे. डिझेल महागल्याने जीवनावश्यक वस्तूंच्या किमतीतही वाढ होण्याची भीती व्यक्त केली जात आहे.
मुंबई: ९३.१४ रुपये (३.११ रुपयांची वाढ)
दिल्ली: ९०.६७ रुपये (३.०० रुपयांची वाढ)
कोलकाता: ९५.१३ रुपये (३.११ रुपयांची वाढ)
चेन्नई:९५.२५ रुपये (२.८६ रुपयांची वाढ)
