प्रसिद्ध सिनेअभिनेत्री आणि भाजप खासदार कंगना राणौत हिने शनिशिंगणापूर येथे शनीच दर्शन घेऊन तेल अभिषेक केला आहे.यावेळी कंगना राणावत यांच्यासोबत राज ठाकरे यांच्या कन्या उर्वशी ठाकरे देखील उपस्थित होत्या.खूप दिवसापासून शनीचे दर्शन घेण्याची इच्छा होती, पूर्ण विश्वात असं मंदिर नसून शनीची चांगली दृष्टी राहावी यासाठी प्रार्थना केल्याचं कंगना राणावत म्हणाली.यावेळी शनिशिंगणापूर देवस्थानच्या वतीने कंगना राणावत आणि उर्वशी ठाकरे यांचा सत्कार करण्यात आला.दरम्यान, गेल्या काही महिन्यांपासून दोन्ही ठाकरे बंधू एकत्र आलेले पाहायला मिळाले आहेत.महाविकास आघाडीचं सरकार सत्तेत असताना शिवसेनेत आणि कंगणा राणौतमध्ये मोठा वाद झालेला पाहायला मिळाला होता.दरम्यान, सध्या राज ठाकरे यांच्या कन्या उर्वशी ठाकरे आणि कंगना राणौत एकत्र आलेल्या पाहायला मिळल्याने सर्वांच्या भूवया उंचावल्या आहेत.
स्वातंत्र्य दिन शनिवार आणि जोडून येणारा रविवार या सलग सुट्ट्यांमुळे पर्यटन स्थळ तसेच तीर्थक्षेत्रांच्या ठिकाणी पर्यटक आणि भाविकांची मोठी गर्दी पाहायला मिळत आहे.अहिल्यानगरचा शनिशिंगणापूर येथे देखील सकाळपासूनच भाविकांची मांदियाळी दिसते आहे.त्यातच श्रावण महिना सुरू असल्याने शनिशिंगणापूर येथे मोठ्या संख्येने शनिभक्त शनीदर्शन घेत आहेत..
